Albisteak

Arroabearrak San Isidro jaiak ospatzen hasi ziren atzo, ostegunez. Jaiei hasiera arratsaldeko 18:00etan eman zieten, Txara dendan egindako elikagaien testatze berezi batekin. Bertan, dendako produktu ezberdinen zein parte-hartzaileek etxetik ekarritako elikagaien energia neurtu zuten pendulu baten bidez.

Ondoren, aurrez testatutako produktuekin osatutako pintxo poteoa egin zuten. IägomeisterDub arduratu zen plazako giroa berotzeaz, reggae musikaz lagunduta.

Gaur, ostirala, festak jarraituko du eta umeentzako jarduerak izango dira protagonista arratsaldean. 17:30ean, POTX magoaren ikuskizuna izango da frontoian eta jarraian, haurrentzako bingoa eta buruhandiak. Eguna borobiltzeko, afaria egingo dute Ederki elkartean.

Azkenik, larunbatean, maiatzaren 17an, jaiak ohiko mus txapelketarekin agurtuko dira. Txapelketa Ederki elkartean izango da, arratsaldeko 16:00etan hasita.