Albisteak

Elizako kanpandorrean kolokan gelditu diren harriak kentzen hasi dira

— 2017-12-05

Pasa den ostiralean tximista batek Andre Mariaren Jasokundearen elizako kupula hondatu zuen. Asteburu osoan zehar kalteak aztertzen ibili ondoren gaur goizean hasi dira erortzeko arriskuan gelditu ziren harriak erretiratzen. Lan hau egitea ahalbidetuko duten bi garabi luze kokatu dituzte plazan. Gorka Unanue EAJko zinegotziaren arabera pieza hauek baztertzea egun batzuetako lana izango da.

Erortzeko arriskuan dauden harri hauek kendutakoan plaza gurutzatu ahal izango da baina herritarren segurtasuna bermatzearren ez da guztiz irekita geldituko. Kupulaz gain, elizaren egituran eta organoan izandako kalteak aztertzen dihardute.

Lehen lan hauek bukatu ostean, arkitekto eta adituek aztertu beharko dute kupula nola berreraikiko duten. Diru kontuei dagokionez, eliza egingo da gastu guztien kargu.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide