Albisteak

Felix Izeta xake jokalari zestoarrak irailean Samarkandan (Uzbekistan) jokatutako Xake Olinpiadan parte hartu du, Senegalgo selekzioarekin.

Senegalek 154. postuan amaitu du txapelketa. Izetak BERRIAri azaldu dionez, erritmo falta sumatu du denboraren presiopean jokatzeko garaian, eta Venezuelaren eta Omanen aurkako partidetan emaitza hobeak lor zitzakeela uste du. Hala ere, berriro lehiatzeaz gozatu duela adierazi du.

Izeta Zestoan jaio zen, 1961ean, eta urteak daramatza Senegalen bizitzen. Xake profesionala utzi ondoren Londresera joan zen, eta, geroago, arrazoi pertsonalengatik, Senegalera. Bertako xake komunitatearekin harremanak egin zituen, eta 2022ko Chennai hiriko Olinpiadan selekzioko kapitain aritu zen. Ondoren, Senegal jokalari gisa ordezkatzeko proposamena egin zioten, eta onartu egin zuen.

Itzuleraren eta bere ibilbidearen inguruan hitz egin du Josu Tornay kazetariarekin, BERRIA egunkariak urriaren 7an argitaratutako elkarrizketan. Elkarrizketa osorik irakur daiteke hemen.