Urria 2026
— 2026-10-29Irakurri 286. zenbakia hemen.

Igande honetan ospatuko da Santa Zezilia eguna, eta, egun horren bueltan ohikoa denez, Ertxiña musika eskolak bi ekitaldi antolatu ditu aurten ere. Astelehenean egin zuten lehen ekitaldia, 17:30ean Kultur Etxean eskainitako jaialdiarekin. Aretoa leporaino beteta zela, orain arte ikasitakoa erakusteko aukera izan zuten musika eskolako ikasleek.
Atzo, berriz, kalera irteteko txanda izan zen. 17:30ean hasita, herriko kaleak musika doinuz bete zituzten ikasleek, txikienetatik hasi eta gaztetxoetaraino. Gurasoak, anai-arrebak eta aitona-amonak ere kalejiraren atzetik ibili ziren, jai giroaz gozatzen. Amaieran, mokadutxoa egin zuten arratsaldea borobiltzeko.
