Albisteak

Igande honetan, azaroak 1, Eskola Haziak egitasmoaren bioeraikuntza tailerraren bigarren saioa egingo dute Amillubin. Aurreko saioan prestatutako oinarritik abiatuta, oraingoan muretea altxatuko dute, formakuntza eta auzolana uztartuz. Parte hartu nahi dutenek koordinazioa@amillubi.eus helbidera idatzita eman dezakete izena.

Saioa 9:30ean hasiko da eta 14:00ak arte luzatuko da. Parte hartzaileek bioeraikuntzako teknikak praktikan jartzeko, aurreko saioan landutako materialak erabiltzeko eta eraikuntza-prozesua bertatik bertara ezagutzeko aukera izango dute. Talde-lanean egingo dute muretea, eta goizean zehar hamaiketakoa ere izango da.