Albisteak

Gaur egitekoak ziren Zestoako Kultur Etxeko aretoaren eraldaketaren eta herriko kultur azpiegituren inguruko hausnarketa bilera, baina Udalak jakinarazi duenez, atzeratu egin dute hitzordua. Bilera ekainaren 3an, asteazkenez, egingo dute, 19:00etan, Kultur Etxean, jubilatuen taberna izandako gunean.

Saioan, Kultur Etxearen egoeraz eta etorkizuneko eraldaketa asmoez ariko dira. Zehazki, aretoa eraldatzeko proiektuaren aurkezpena egingo dute, eta herritarrek egin ditzaketen ekarpenak partekatzeko tartea ere izango da.

Bilera atzeratzearen arrazoien artean, azaldu dutenez, proiektuan zenbait aldaketa egin behar izan dituzte, besteak beste, artistentzako gela txertatzea, eta agenda arrazoiek ere eragina izan dute data aldaketan.