Albisteak
Gominolak egiten ikasteko tailerra izango da bihar arratsaldean
— 2025-03-13Ekain Guraso Elkarteak gominolak egiten ikasteko tailerra antolatu du bihar arratsalderako Alonderoko aretoan. Aiora Urbieta izango da tailerra gidatuko duena, eta Lehen Hezkuntzako 1. zikloko haurrei zuzenduta egongo da ekintza.
Tailerrak bi txanda izango ditu, eta bakoitzean gehienez 10 umek parte hartu ahal izango dute. Lehenengo txanda 16:45etik 17:45era izango da, eta dagoeneko plaza guztiak beteta daude. Bigarren txanda, aldiz, 18:00etan hasiko da eta 19:00etan amaituko da; oraindik plaza libreak daude parte hartu nahi dutenentzako.
Interesdunek izen ematea honako helbidera idatziz egin beharko dute: ekaingurasoelkartea@gmail.com.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
