Albisteak

Narrondoko San Kristobal jaiak uztailaren 10etik 12ra izango dira. Hiru egunez, auzoak adin guztietarako egitarau zabala prestatu du: meza, puzgarriak, sagardo dastaketa, trikitilariak, bizikleta poteoa, sardina jana, artisau azoka, pailazo ikuskizuna eta herri kirol erakustaldia izango dira protagonista.

Ostirala, uztailak 10, Kristobal Deunaren egunarekin hasiko dira jaiak. Goizeko 08:00etan botako dute txupinazoa, eta 11:00etan herri meza egingo dute. Ondoren, hamaiketakoa izango da. Arratsaldean, 16:00etatik 20:00etara, puzgarriak, zezen mekanikoa eta txokolatada izango dira, eta eguraldi ona eginez gero uretako puzgarriak ere jarriko dituzte. 19:30ean inguruko baserrietako sagardo dastaketa egingo dute pintxoekin batera, Ostolaza eta Larrañaga trikitilarien doinuekin. Gaua dantzaldiarekin amaituko da.

Larunbatean, uztailaren 11n, 12:00etan abiatuko da Bidegorriko I. Poteoa Bizikletarekin. Arratsaldean, 15:30ean, mus eta eskoba txapelketak izango dira, eta 20:30ean sardina jana egingo dute. Sardinak doan banatuko dituzte, eta saiheskiak eta edariak ordaindu beharko dira. Ondoren, Elizagoien ahizpek eta Imanol trikitilariak girotuko dute gaua.

Igandean, uztailaren 12an, 11:00etatik 14:30era IV. Artisau Azoka egingo da, talogileekin batera; azken horiek egun osoan izango dira bertan. 12:30ean Zapotxin pailazoak “Baratxuri zoparen sekretua” ikuskizuna eskainiko du. Ondoren, bazkaltzeko aukera izango da karpan, bakoitzak bere janaria eramanda; edariak, berriz, mostradorean erosi beharko dira.

Jaiak amaitzeko, 18:00etan herri kirol erakustaldia izango da. Aizkoran ariko dira Andoni Iruretagoiena “Izeta VI”, Mikel Larrañaga, Ugaitz Mugerza eta Eneko Otaño; harri-jasotzen, berriz, Estefi Etxebeste eta Udane Ostolaza.

• Uztailak 10, ostirala
  • 08:00 Txupinazoa.
  • 11:00 Herri meza eta, ondoren, hamaiketakoa.
  • 16:00-20:00 Puzgarriak, zezen mekanikoa eta txokolatada. Eguraldi ona egiten badu, uretako puzgarriak izango dira.
  • 19:30 Inguruko baserrietako sagardo dastaketa pintxoekin eta Ostolaza eta Larrañaga trikitilariak. Ondoren, dantzaldia.
• Uztailak 11, larunbata
  • 12:00 Bidegorriko I. Poteoa Bizikletarekin.
  • 15:30 Mus eta Eskoba txapelketa.
  • 20:30 Sardina jana. Sardinak doan, saiheskiak eta edariak ordainduta. Ondoren, Elizagoien ahizpak eta Imanol trikitilariak.
• Uztailak 12, igandea
  • 11:00-14:30 IV. Artisau azoka eta talogileak. Talogileak egun guztian zehar egongo dira.
  • 12:30 Zapotxin pailazoaren Baratxuri zoparen sekretua emanaldia.
  • Ondoren, bazkaltzeko aukera izango da karpan, bakoitzak bere janaria eramanda. Edariak mostradorean erosi beharko dira.
  • 18:00 Herri kirol erakustaldia. Aizkolariak: Andoni Iruretagoiena “Izeta VI”, Mikel Larrañaga, Ugaitz Mugerza eta Eneko Otaño. Harri-jasotzaileak: Estefi Etxebeste eta Udane Ostolaza.