Ekaina 2026
— 2026-07-02Irakurri 283. zenbakia hemen.
Albisteak
Jurdan Regillaga bosgarren HOKA Val d’Aran by UTMB proban
Danbolin— 2026-07-07Jurdan Regillagak uztailaren 4an Hoka Val d´Aran by UTMB lasterketan parte hartu zuen. 18 kilometro eta 900 metroko desnibel positiboa dituen proban, Sky Promesas kategorian, 18 eta 19 urte bitartekoetan, hirugarren postua eskuratu zuen, eta sailkapen orokorrean bosgarren izan zen. Trail running-eko nazioarteko lasterketarik entzutetsuenetakoa bihurtu da UTMB zigiluaren pean egiten den Aran ibarreko proba.
Pasa den astean, Autonomia Erkidegoetako Federazioen Espainiako Txapelketan parte hartu zuen eta 14. postua eskuratu zuen. Regillaga ez zen federazioarekin atera, bere kabuz baizik, eta bigarren euskalduna izan zen helmugaratzen. Azken bi lasterketa hauekin, amaiera bikaina eman dio denboraldiari.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
