Uztaila 2026
— 2026-08-25Irakurri 284. zenbakia hemen.
Albisteak
Udal langileek elkarretaratzea egin dute lan baldintzak hobetzea eskatzeko
Danbolin— 2026-09-24Zestoako Udaleko langileek elkarretaratzea egin dute gaur, 11:00etan, udaletxe aurrean, ELAk eta LABek deitutako mobilizazioekin bat eginez.
Udal langileen lan baldintzak hobetzea eta Udalhitz hitzarmenaren negoziazioan aurrerapausoak ematea eskatu dute. Aurrera pausu batzuk egon diren arren, aldarrikapen asko falta direla adierazi dute. Besteak beste, erosahalmena berreskuratzea, euskaraz lan egiteko neurriak, belaunaldi erreleboa eta subrogazio eskubidea aldarrikatu dituzte.
Sindikatuek Eudelen jarrera ere salatu dute, eta negoziazio mahaia blokeatzen ari dela adierazi dute, bi hilabeteko etenaren ondoren ez duelako, haien esanetan, nahikoa proposamen berririk aurkeztu.
Negoziazioan aurrerapausorik eman ezean, urriaren 8an egun osoko greba egingo dute EAEko udal eta tokiko administrazioetan.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
