Albisteak

Udalbatza aretoko banku historikoen zaharberritze lanak ezagutzeko aukera izango da ostegunean

Bihar, azaroak 19, 11:30ean, Zestoako udalbatza aretoan egiten ari diren zaharberritze lanen inguruko azalpenak emango dituzte. XVIII. mendeko bankuak Gipuzkoako Batzar Nagusien historiaren lekuko dira.

Zestoako Udalak eta Gordailua Gipuzkoako Ondare Bildumen Zentroak antolatuta, udalbatza aretoko banku historikoen zaharberritze lanak gertutik ezagutzeko aukera izango dute herritarrek ostegunean, azaroaren 19an. 11:30ean izango da hitzordua, udaletxean, eta Jon Egidazuk, Ereiten Kultur Zerbitzuak enpresako kideak, euskaraz emango ditu azalpenak. Carmen Martinek, Taller CM Restauración enpresakoak, berriz, gaztelaniaz eskainiko ditu.

Bankuak XVIII. mendekoak dira, eta Gipuzkoako Batzar Nagusien bilkuren lekukotza gordetzen dute. Izan ere, Zestoa izan zen historian zehar batzar horiek hartu zituen herrietako bat, eta bankuek garai hartako ondare instituzionalaren aztarna garrantzitsua osatzen dute.

Zaharberritze lanen bidez, bankuen kontserbazioa bermatu eta haien historia hobeto ezagutzea da helburua. Lanak irauten duten bitartean, udalbatza aretoa zabalik egongo da, herritarrek prozesua bertatik bertara ikusteko aukera izan dezaten.




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide. Egin zaitez bazkide

Egin zaitez bazkide