Albisteak

Zestoako Gazte Asanbladak 37 urte bete ditu aurten, eta apirilean zehar ospakizunetan murgilduta ibili dira aurten ere. Hain zuzen, atzo goizetik gaualdera arteko egitarauarekin ospatu zuten urteurrena.

Futbito txapelketak hartu zuen protagonismoa goizean, eta eguerdian bazkaria egin zuten kiroldegiko aterpean. Arratsaldetik aurrera, musikak girotu zuen festa: Stepi Selektah taldeak Laranjadi plaza dantzan jarri zuen, eta gauean, Manitu talde zestoarrak Oroitzapen berriak izenburuko disko berria aurkeztu zuten Gaztetxean.
Ondoren, Band Sound System taldea igo zen oholtzara, eta M&M zestoarrak arduratu ziren festa ixteaz.