Albisteak

Aurrera doa Gazte Eguna, eta arratsaldean ere festa giroak ez du etenik izan. Goizean, 39. Ondarbasoko Igoera jokatu dute txirrindulariek, eta bazkalosteko etenaren ostean, beste kirol hitzordu bat izan da herrian. Hain zuzen ere, frontoi zaharrean eskuz binakako pilota partida jokatu dute. Gorriz aritu dira Abantzuko Txapei eta Oiarpeko Olaiz; urdinez, berriz, Abantzuko Sasiain eta Epleko Olaizola.

Sasiain eta Olaizola nagusitu dira, 22-11ko emaitzarekin, Txapei eta Olaiz mendean hartuta. Ohi bezala, jendez gainezka egon da frontoi zaharra, eta herritarren animoek giro ederra sortu dute partida osoan zehar.

Hemendik aurrera, musikak hartuko du protagonismoa Gazte Egunean. UK03 txaranga arduratuko da kaleak alaitzeaz, eta 22:00etatik aurrera, Indabe, Lukiek eta Manitu taldeen kontzertuak izango dira Laranjadin.