Albisteak

Herritar ugari elkartu zen atzo arratsaldean udaletxeko arkupean, Ertxina Musika Eskolak ikasturte amaierarako antolatutako emanaldiaz gozatzeko. Arkupea familiaz eta ikuslez bete zen, ikasleek urte osoan zehar egindako lana erakusteko prestatu zuten saioa ikustera.

Haur zein heldu aritu ziren oholtza gainean, irakasleen laguntzarekin. Ikasturtean landutako piezak eskaini zituzten, publikoarentzat ezagunak diren hainbat abesti interpretatuz. Horretarako, musika tresna ugari erabili zituzten, ikasle bakoitzak bere trebetasunak erakusteko aukera izan zuelarik.

Huetako hainbat ikaslek, ostiralean Musika Bandak egingo duen soinu banden kontzertuan parte hartuko dute.