Albisteak

Amabirjinetako Kuadrillen Egunak arratsaldean izan du jarraipena kuadrillen arteko jolasekin. Paella lehiaketaren eta bazkariaren ondoren, plaza hartu dute parte hartzaileek, Ustekabe txarangaren doinuek lagunduta eta herritar ugari ikusle zirela.

Lagun mordoxka animatu da probetan parte hartzera, eta giro ederrean joan da arratsaldea. Trebezia, indarra, tranpak, muxuak… denetik izan da jolasetan. Lehia estua izan da kuadrillen artean, eta azkenean trebeenei sariak emanez amaitu dute saioa.

Ustekabe txarangak girotuko du arratsaldearen gainerakoa, eta gauean musikak hartuko du lekukoa Laranjadi plazan, Azax eta Jonkass DJen saioekin.