Albisteak

El viento que agita la cebada filmaren emanaldia izango da gaur, asteazkena, Gaztetxean. Emanaldia 21:30ean hasiko da, eta Gazte Asanbladak udako antolatutako egitarauaren baitako laugarren ekintza izango da. Filmak Irlandako Independentzia Gerra eta Irlandako Gerra Zibila ditu ardatz. Istorioan, bi anaia gerrillan sartzen dira Irlandaren independentzia eragotzi nahi duten tropa britainiarren aurka borrokatzeko.

Uztailaren amaierara bitartean beste bi ekintza egingo dituzte Asanbladako kideek. Hain zuzen, datorren ostegunean, hilaren 16an, belarritako tailerra egingo dute 11:00etan. Egitarauari amaiera emateko, uztailaren 21ean eskalada tailerra antolatu dute, 10:00etan hasita.