Albisteak

Lurraldebusek gaueko autobus zerbitzu bereziak eskainiko ditu Azpeitiko santioetan eta saninazioetan. Santioetan, uztailaren 24tik 25erako gauean, Azpeitia, Azkoitia eta Zestoa lotuko dituen autobus zerbitzu berezia egongo da. Azpeititik Zestoara, autobusak 00:10ean hasiko dira irteten, eta ondoren orduro izango dira 06:10era arte: 00:10, 01:10, 02:10, 03:10, 04:10, 05:10 eta 06:10. Kontrako noranzkoan ere izango da zerbitzua. Zestoatik Azpeitira autobusak 00:20tik 06:20ra bitartean aterako dira orduro: 00:20, 01:20, 02:20, 03:20, 04:20, 05:20 eta 06:20.

Saninazioetan, berriz, uztailaren 30etik 31rako eta uztailaren 31tik abuztuaren 1erako gauetan, autobusak 00:30ean, 01:10ean, 02:30ean, 03:10ean, 04:30ean eta 05:10ean irtengo dira Zestoako noranzkoan. Horrez gain, uztailaren 30etik 31rako gauean 06:30eko zerbitzu berezia ere izango da.

Bestalde, abuztuaren 1etik 2rako gauean, UK45G eta UK46G lineek ohiko zerbitzua eskainiko dute, baina aldaketa batzuekin. Hala, UK45G linean kendu egingo dira Zestoatik 03:45ean eta 05:45ean irteten diren zerbitzuetako Zestoako geltokiak.

Hemen dituzue santioetako eta saninazioetako ordutegiak.