Albisteak

Zestoako pilotariek pasa den ostiralean jokatu zituzten Gipuzkoako Herriarteko Txapelketako final-zortzirenetako joaneko partidak, Andoaingo taldearen aurka. Kanporaketa 2-1 irabazi zuten, hiru partidetatik bi eskuratuta.

Final-zortzirenetako bigarren partidak larunbatean jokatuko dira, maiatzaren 24an, 11:00etan hasita Zestoako kiroldegiko pilotalekuan. Aurreko asteko pilotari berdinek hartuko dute parte berriz ere.

Joaneko partidetan, kadete mailan, Urrestilla eta Zabalak partida bikaina egin zuten eta 3-22ko garaipen argia lortu zuten. Jubeniletan, ordea, Azkue eta Uriak ez zuten zorterik izan eta 22-6 galdu zuten. Nagusien mailan, Sasiain eta Odriozolak lehia estua izan zuten, baina azkenean 18-22 nagusitu ziren. Joaneko partidetan beraz, 7 tantoko etekinarekin gailendu ziren zestoarrak eta itzulerako kanporaketa zabal-zabalik dago.