Apirila 2026
— 2026-05-04Irakurri 281. zenbakia hemen.
Albisteak
Kalakanen kontzertua ekainaren 20ra atzeratu dute grebagatik
Danbolin— 2026-05-07Kalakan taldearen kontzertua atzeratu egin dute, eta ekainaren 20an izango da azkenean. Zestoako Udaberri Kulturalaren barruan maiatzaren 15erako iragarrita zegoen emanaldia, baina egun horretarako deitutako ikuskizun eta ekitaldien sektoreko langileen grebaren ondorioz hartu dute erabakia.
Grebarako deia Arabako, Bizkaiko eta Gipuzkoako ikuskizun eta ekitaldien sektoreko langileek egin dute, lan baldintza hobeak eskatzeko. Sindikatuek patronalaren “blokeo sistematikoa” salatu dute, eta sektoreko prekaritatea agerian uzteko deitu dute grebara.
Hala, Kalakanen kontzertua izango da aurtengo Zestoako Udaberri Kulturaleko azken hitzordua. Aurretik, ordea, beste hainbat ekitaldi izango dira herrian.
Zestoako Udaberri Kulturala: hurrengo hitzorduak
Maiatzak 23, larunbata
Fundizio Fest musika jaialdia.
Ekainak 6, larunbata
Bidasoatik harago emanaldia San Lorenten, Xabi Solanoren eta Jon Garmendia Txuriaren eskutik.
Ekainak 20, larunbata
Kalakan taldearen kontzertua.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
