Albisteak

Bihar, ekainaren 20an, Lasaotarren Eguna ospatuko dute Lasao auzoan. Arratsaldetik gauera arte luzatuko den egitaraua prestatu dute, auzotarren arteko elkargunea eta giro ona sustatzeko helburuarekin.

Jardunaldiari 17:00etan emango diote hasiera, ume eta helduentzako jolasekin. Ondoren, gazteen pilota partidak jokatuko dituzte, nahiz eta parte-hartzaileen izenak oraindik zehazteke dauden.

Gauean, 21:00etan, auzo afaria egingo dute, eta afalostean ez da giro faltarik izango: bingo musikatua eta mus txapelketa izango dira, Lasaotarren Egunari amaiera emateko.

Antolatzaileek auzotar guztiak eta inguruko herritarrak egunaz gozatzera gonbidatu dituzte.