Miren Illarramendi Rezabal EITBko Teknopolis saioan elkarrizketatu dute aste honetan. “5.0 industrian egokitzeko gaitasuna gakoa da” izenburupean, industria eredu berriak ekarriko dituen erronka eta aukeren inguruan aritu da.

Ingeniaritzan doktorea eta teknologia aurreratuak industria sarean txertatzeko ikertzailea den Illarramendik azaldu duenez, 5.0 industriak giza faktorean, jasangarritasunean eta erresilientzian jarriko du arreta, hiperkonektibitatean oinarritutako aurreko fasearen ostean.