Albisteak

Donostiako Aste Nagusia dela eta, Lurraldebusek zerbitzu bereziak eskainiko ditu abuztuaren 9tik 16ra bitartean, eta horien artean izango da Zestoatik Donostiara doan UK01 linea ere.

Ohiko zerbitzuez gain, gaueko irteera bat jarriko da martxan. Autobusa 23:45ean irtengo da Azkoititik, 00:00etan Azpeitian egingo du geldialdia eta 00:12an Zestoan hartu ahal izango da. Donostiara 00:55ean iritsiko da.

Itzulerako zerbitzua 01:05ean aterako da Donostiatik. Autobusa 01:50ean Zestoara iritsiko da, 02:00etan Azpeitira eta 02:15ean Azkoitira.

Gipuzkoako Foru Aldundiaren arabera, helburua da herritarrek Donostiako jaietara modu eroso, jasangarri eta seguruan joateko aukera izatea, garraio publikoa aisialdian ere indartuz.