Ekaina 2026
— 2026-07-02Irakurri 283. zenbakia hemen.
Albisteak
Zestoatik Errezilera doan errepidea egunez itxita egongo da asteazkenetik ostiralera
Danbolin— 2026-08-18Zorua birgaitzeko lanak direla eta, GI-3730 Zestoa (Iraeta) – Errezil (Bentaberri) errepidea, Aizarnan barrena, itxita egongo da trafikoarentzat asteazkenetik ostiralera, 08:00etatik 20:00etara.
Gipuzkoako Foru Aldundiak jakinarazi duenez, egungo zoladuran hondatuta dauden zatiak konponduko dituzte, 14+000 eta 16+140 kilometro puntuen artean, errepidearen amaieraraino. Errepidearen zabalera dela eta, lanak egin bitartean zati hori erabat moztu beharko dute.
Errepidea lan-orduetan soilik egongo da itxita, 08:00etatik 20:00etara; 20:00etatik 08:00etara, berriz, erabat irekita egongo da. Zati horretan bizi diren bizilagunek sartu eta irten ahal izango dute lanek iraun bitartean, noranzko bakarrean, Etumetatik Errezilera.
Lanak bihar, abuztuaren 19an, hasiko dira eta hiru lanegun inguru irautea aurreikusten dute, eguraldiaren arabera.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
