Albisteak
Alarma egoera ezarri du Espainiako Gobernuak
— 2020-10-26Espainiako Gobernuak berriz ere alarma egoera ezartzea erabaki zuen atzo goizean egindako Ministro Kontseilu berezian. Biltzeko eskubidearen mugatzea, gaueko etxeratze agindua eta lurralde batetik bestea mugitzeko debekua biltzen dituzte neurriek. Iluntzeko 23:00etatik goizaldeko 06:00ak bitartean etxeratzeko agindua eman du Gobernuak. Ordutegi hori ordu betez aurreratu edo atzeratu ahal izango dute lurralde bakoitzeko agintariek baina ezingo dute kendu. Bestalde, Erkidego bakoitzak erabaki ahal izango du euren lurraldeko mugak ixtea. Biltzeko eskubidearen inguruan, berriz, sei lagunek izango dute gehienez biltzeko aukera.
Alarma egoeraren iraupena sei hilabetekoa izatea nahi du Espainiako Gobernuak, maiatzaren 9ra arte. Atzo onartutako dekretuarekin, momentuz, hamabost eguneko alarma egoera ezarri du Gobernuak eta hamabost egun pasa ondoren, Espainiako Kongresuak Gobernuaren proposamena bozkatu beharko du.
Egin zaitez bazkide