Albisteak

Gaur goizean, Nagore Legarretak gidatutako argazkilaritza-tailerra egin dute, Portale Kultur Elkarteak antolatuta. Ekintza elkarteak prestaturiko Uzta Hila programaren barruan egitekoa zen, baina atzeratu egin behar izan zuten, eta azkenean gaur egin dute.

Ibaia izan dute saioaren ardatz, eta argazkilaritza-teknikaren inguruko azalpen teorikoekin hasi dute jardunaldia. Ondoren, eskuz egindako kamera ilunak hartuta, ibaiaren ingurura joan dira argazkiak egitera. Argia eta esposizio-denbora orekatuz ateratako irudiak errebelatu eta, jarraian, mugikorraren bidez digitalizatu dituzte.

Eguraldi ederra lagun eta giro bikainean, guztira 20 argazki sortu dituzte.