Albisteak

Udalak baserritarrekin bilera berria egingo du bihar, apirilak 30, osteguna, Arroabeko Elkargunean, 18:00etan.

Antzeko bilerak egin dituzte beste auzo batzuetan Aizarnan, Lasaon eta Endoian, eta oraingoan Arroabeari egokitu zaio hitzordua. Deialdia Arroabea, Arroaerreka, Arroagoia, Iraeta, Ibañarrieta eta Narrondoko baserritar zein bizilagunei luzatu diete.

Bileraren helburua udala eta herritarren arteko harremana indartzea da. Horretarako, udalak eskuartean dituen proiektu eta gaiak plazaratuko ditu, eta, aldi berean, auzotarren beharrak eta kezkak aurrez aurre jasotzeko aukera izango dute.