Albisteak
Bihar, ostiralez, erabakiko dira Txokoko Txapelketako irabazleak
— 2025-07-03
Txokoko Pilota Txapelketak bere amaierako jardunaldia biziko du bihar, ostiralez, aurtengo txapelduna erabakiko duen partida nagusia jokatuko baita. Arratsaldeko 19:00etan hasita, bi partida izango dira ikusgai Gurutzeaga pilotalekuan.
Lehenik eta behin, hirugarren eta laugarren postuak jokatuko dituzte Oier eta Kixkurra bikoteak, Xora eta Anduren aurka. Ondoren, final handia izango da. Julen eta Manex Txapeitar anaiek neurtuko dituzte indarrak Xabat eta Xelaren aurka.
Txapeldunak erabakitzeko partida oso estua espero da, bi bikote finalistak maila bikainean aritu baitira txapelketan. Txapeitarrek jokatutako partida guztiak irabazi dituzte, eta Xabat eta Xela ere sendo aritu dira, porrot bakar batekin iritsi baitira finalera.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
