Maiatza 2026
— 2026-06-03Irakurri 282. zenbakia hemen.
Albisteak
Pump Trackean ikastaroa antolatu dute gaztetxoentzat ostiralean
Danbolin— 2026-06-256 eta 14 urte bitarteko gaztetxoek Pump Track zirkuituaz gozatzeko eta beren trebetasunak hobetzeko aukera izango dute ostiral honetan, ekainaren 26an. Zestoako Udalak eta Oreinkek antolatutako ikastaroa 18:00etatik 20:00etara egingo da.
Bi ordu inguruko saioan, Pump Track-ean erabil daitezkeen ibilgailu guztiekin parte hartu ahal izango da: bizikletarekin, patinekin, patinetearekin edo skateboardarekin. Antolatzaileek azaldu dutenez, parte-hartzaileek erakustaldiak, dinamizazio jarduerak eta teknika tailerrak izango dituzte.
Ikastaroan parte hartu nahi dutenek aldez aurretik izena eman beharko dute Gaztelekuko WhatsApp bidez, 688 68 40 29 telefono zenbakira mezua bidalita. Izena ematerakoan, saiora zein ibilgailurekin joango diren zehaztea gomendatu dute antolatzaileek.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
