Albisteak

Zestoako Udaleko langileek greba egingo dute bihar, ekainaren 4an, eta, horren ondorioz, ez da udal zerbitzurik eskainiko egun osoan zehar. Udal eraikinak ere itxita egongo dira.

Greba deialdia azken asteetan egiten ari diren mobilizazioen baitan kokatzen da. Apirilaren 23an bi orduko lanuztea egin zuten eta udaletxe aurrean elkartu ziren euren aldarrikapenak plazaratzeko. Ondoren, maiatzaren 14an ere greba eguna egin zuten.

Langileen ordezkarien arabera, mobilizazioen helburua Udalhitz hitzarmenaren negoziazioan benetako aurrerapausoak lortzea da. Besteak beste, lan baldintzak hobetzea eta soldatei zein enpleguari lotutako gaiak negoziazio mahaietan jorratzea eskatzen dute. Sindikatuek adierazi dutenez, orain arteko negoziazioetan ez da aurrerapen nahikorik izan, eta horregatik deitu dute biharko greba eguna.