Albisteak

Agiro Mendi Taldea-k antolatuta, Zestoako XXIV. Ibilaldi neurtua egingo dute ekainaren 13an, larunbatarekin. Izen-ematea jada zabalik dago herrikrosa.eus atarian.

Bi ibilbide izango dira aukeran. Ibilbide luzeak 26,3 kilometro izango ditu, eta goizeko 07:00etan abiatuko da. Ibilbide motzak, berriz, 18,7 kilometroko luzera izango du, eta 08:00etan izango du irteera.

Antolatzaileek jakinarazi dutenez, parte-hartzaile guztiek kamiseta bana jasoko dute, eta ibilbidean zehar jateko eta edateko hornidura ere egongo da. Bestalde, ingurumenaren aldeko neurri gisa, parte-hartzaile bakoitzak bere edalontzia edo ontzia eraman beharko du.