Albisteak

UMEEN IBILALDI NEURTUA ANTOLATU DU AGIRO MENDI KLUBAK

— 2015-12-09

Agiro Mendi Klubak umeen ibilaldi neurtua antolatu du igande honetarako (abenduak 13). Ibilaldi neurtu hori LH-1etik gorako umeentzat izango da. Izen ematea Zestoako Herri Eskolan izango da.

Ibilaldia taldetxoka edo patruilaka izango da eta talde bakoitzak bere txartela izango du, ibilbidean zehar izango diren kontrol guneetan txartela erakutsi beharko dute-eta. Taldeak laukoak izango dira.

Lehen patruilak 9:30etan irtengo dira Zestoatik. Lehenengo kontrola sastarrainen egingo dute. Ondoren Txankarta baserrira ( Endoia, Bizuzbide parean) joando dira, han bigarren kontrola egiteko. Hirugarren kontrola Arroagoian izango da, bertan hamaiketakoa egongo da. Ibiladia amaitzeko, herri bidetik Zestoara itzuliko dira. Ibiladi neurtuak guztira 8,600m. izango ditu.

Ondorengo argazkian duzue ikusgai ibilbidea:

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide