Ekaina 2026
— 2026-07-02Irakurri 283. zenbakia hemen.
Albisteak
Datorren ikasturtean Eskola Kirolean entrenatzaile izateko izen-ematea uztailaren 15ean amaituko da
Danbolin— 2026-07-102026/27 ikasturterako Eskola Kiroleko entrenatzaileak bilatzeko deialdia egin dute Zestoa Herri Ikastetxeak, Ekain Guraso Elkarteak eta Aizarnako Ahurra Guraso Elkarteak. Entrenatzaile edo begiraleek entrenamendu, partida edo bestelako ekintzen arabera, astelehenetik ostiralera eta hainbat larunbatetan egingo dute lana, jardunaren araberako lan-kontratuarekin.
Entrenatzaile izateko, nahitaezkoa izango da MADE (Eskola Kiroleko Monitore Laguntzaile) ikastaroa eginda izatea. Hala ere, prestakuntza hori ez dutenek urrian doan egiteko aukera izango dute. Horrez gain, hainbat ikasketa ere baloratuko dituzte, besteak beste, Jarduera Fisikoaren eta Kirolaren arloko erdi edo goi mailako titulazioa, Jarduera Fisikoaren eta Kirolaren Zientzietako gradua, Lehen Hezkuntzako gradua edo ikasketa horietakoren bat egiten aritzea.
Interesa dutenek curriculuma ekaingurasoelkartea@gmail.com helbidera bidali beharko dute. Horretarako epea uztailaren 15ean amaituko da.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
